Таным саласы «Геометриялық пішіндер»

Геометриялық пішіндер. Дөңгелек, шаршы, үшбұрыш.»»

Шоханова Айсауле

«Қызғалдақ»бөбекжай балабақшасының тәрбиешісі

Мақсаты:Балаларды дөңгелек, шаршы, үшбұрыш тәрізді геометриялық пішіндермен таныстыру, оларды ажыратуды үйрету, кеңістікті бағдарлау қабілетін қалыптастыру.

 

Дамытушылық: Балалардың сөйлеу және талдау қабілетін дамыту.

Тәрбиелік: Балаларды сұраққа толық жауап беруге тәрбиелеу.

Әдіс – тәсілдері:түсіндіру, үйрету, көрсету, сұрақ – жауап, сергіту сәті қорытындылау.

Көрнекілік – құрал: пішіндер туралы видео, сурет, сандар, үлестірмелі пішіндер.

Жаңа сөз: үшбұрыш, төртбұрыш, дөңгелек, шаршы.

 

Сөздік жұмыс: Үшбұрыш – треугольник, Төрбұрыш – четерый угольник, дөңгелек – круг.

Тәрбиешінің іс – әрекеті

 

– Балалар бүгін бізде ерекше күн.

– Ең алдымен келген қонақтармен амандасайық.

 

Шаттық шеңбер:

Білер қазақ баласы,

 

Сәлем сөздің анасы,

 

Көп танысты көреміз,

 

Бәріне де ізетпен

 

Біздер сәлем береміз.

 

Тәрбиеші:

– Бүгін біздің ұйымдастырылған

Оқу іс – әрекетінің қарапайым математикалық ұғымдарды қалыптастыру деп аталады.

– Тақырыбы: «Геометриялық пішіндер»

– Балалар қазір жылдың қай мезгілі?

– Күз мезгілі неше айдан тұрады?

– Қане, күз мезгілінің ай аттары қалай аталады?

– Күз мезгілінде қандай өзгерістер болады?

– Өте жақсы.

Ғажайып сәт «Сиқырлы күн»

– Балалар бүгінгі тақырыбымызды ашу үшін «сиқырлы күнге» келіп пішіндерге саяхат деп айтайықшы

Пішіндер тақпағын айтады.

Жарайсыңдар!

Ендеше балалар,пішіндердің тапсырмасы бар екен.

1 – тапсырма.

Пішіндер туралы жұмбақтар.

 

Атына сай балалар,

Үш бұрыш, үш жағы бар.

Ол пішінді кім табар?

 

– Дұрыс айтасыңдар балалар, бұл үшбұрыш. Алдарындағы пішіндердің ішінде үшбұрышты көрсетіңдерші және түсін айтамыз.

(Балалар көрсетеді түсін айтады)

– Үшбұрыш неге ұқсайды екен?

– Дұрыс айтасыңдар, балалар келесі жұмбақты жасырайын.

 

– Төрт бұрышы бар, төрт қабырғасы бар.

Бұл қай пішін?

– Ия, дұрыс. Төрт бұрыш неге ұқсайды екен?

– Алдарындағы пішіндерден төртбұрышты көрсетіңдерші, түстерін айтыңдар.

– Тағы бір жұмбақты жасырайын

 

Допқа өзі ұқсайтын,

Ерекше бір пішін бар.

Атын оның атаңдар?

– Өте жақсы

– Дөңгелек неге ұқсайды?

– Өте жақсы балалар.

Ал, енді алдарындағы пішіндердің, ішінен дөңгелекті көрсетіңдерші, түстерін айтамыз.

 

– Өте жақсы, жарайсыңдар!

 

2– тапсырма: Қай пішінге не барады? Көрсет.

 

3 – тапсырма:Суреттер қандай пішіндерге ұқсайды?

 

(Алма мен уйдің суреті.)

Сергітусәті:

 

Ал, балалар тұрайық

 

Қолдан шеңбер құрайық.

 

Түзу болып тұрайық

 

Бір – біріне қосқанда

 

Үшбұрышты құрайық.

 

«Ойлан тап» дидактикалық ойын.

 

Мақсаты: Әртүрлі пішіндерден заттар құрастыру. Қандай пішіндерден жасағанын және түстерін ажыратуға үйрету.

4- тапсырма: Адасқан фигураларды тап?Жоқ пішіндерді қою, атын атау, түстерін ажырату.

5 – тапсырма: Геометриялық пішіндерді үлкен үйдің терезелеріне қатар бойынша орналастыр.

 

Телефон дауысы естіледі.

 

– Иә, сәлеметсізбе?

 

– Бұл «Ақ бұлақ» тобы.

 

– Иә, Дымбілмес бізбен бірге Қазір шұғыл түрде Дымбілместі сіздің патшалығыңызға тапсырмалармен бірге жеткіземіз.

Қимылды ойын: «Өз пікіріңді тап»

«Поезд» Тіл ұстарту жаттығу.

Пыш – пыш, пыш – пыш біз кеттік,

Жүрісті үдеттік.

Гу – гу, гу – гу гуілдет.

Балалармен сұрақ – жауап.

Күтілетін нәтиже:

Нені білу керек: Геометриялық пішіндерді біледі.

Нені игерді: Геометриялық пішіндерден заттарды жасап құрауды.

Нені біледі: Жұмбақтардың шешуін, тапсырманы орындауды.