Ойыншықтар дүкені

Бейспаева Жанар Нурадиновна

Мақсаты:Бүлдіршіндердің ойыншықтары туралы түсінігін кеңейту,оларды атай отырып сипаттай білуге үйрету.Ой-өрісін тіл байлығын дамыту.Дыбыстарды анық айтуға үйрету. Ойыншықтарды күтіп,ұқыпты ұстауға тәрбиелеу,балаларды еңбекке,сыпайылыққа,ізгілікке баулу.

Көрнекі құралдары:Ойыншықтар,суреттер,дүкен.

Барысы:

-Балалар,бүгін біздің тіл дамыту оқу іс-әрекетімізге қонақтар келіпті,кәне бәріміз қонақтармен амандасайық.

Үлкенге де,кішіге де

Сәлем бердік сіздерге.

Жұмбақ жасыру:

Аяғы бар жүрмейді

Аузы бар күлмейді

Айнымайды бөпемнен

Тек сөйлеуді білмейді.

(Қуыршақ)

Ғажайып сәт:Тобымызға қуыршақ Әйгерім қонаққа келді.

-Балалар,бұл не?

Қуыршақтар туралы өлең жаттап едік қой,соны айтайық:

Біздерде бар қуыршақ

Бұзау,қозы құлыншақ

Ойыншықтар тыңдайды,

Ақыл айтсақ бұйырсақ.

Қуыршақ неге жатады (Ойыншыққа)

Дидактикалық ойын:  «Ойыншықты тап»

Ойын мақсаты:Ойыншықты атау және кеңістікті бағдарлай отырып табу.

Шарты:Тағылған ойыншықты тауып,атын атап,түсін,үлкен кішілігін ажырату.

Дыбыстық жұмыс:

Қуыршақтың тісі ауырып тұр,қалай жылайды (і-і-і-і-і-і-і-і-і-і-і)

Түлкі ет жеп жатып, тамағына сүйек тұрып қалыпты (қ-қ-қ-қ-қ-қ-қ-қ)

Аю бал жеймін деп,араның ұясына кезігіпті.Ара қалай ызылдайды?(з-з-з-з-з)

Қыста балмұздак жеп,тамағымыз ауырып қалды тамағымызды қалай шаямыз?(ғ-ғ-ғ-ғ-ғ-ғ)

Балалар,ойыншықтар дүкеніне бару үшін біз мына жол кедергілерден өтуіміз керек.Су ағынан өту,сандарды басып санау арқылы судан өтіп,ойыншықтар дүкеніне жетеміз.

Қызықтыру сәті:(Дүкенші келеді әндетіп)

Дүкенші:Сәлеметсіңдерме балалар!

Ашылды дүкен,мұнда бәрің қараңдар!

Бар қызықты тамашалап,назар салыңдар!

Көжек,мысық,күшікте

Тышқан отыр бұрышта

Сендер жақсы көретін

Ойыншықтардың бәрі осында.

Дүкенші:Балалар қараңдаршы,менің дүкенімнің сөрелерінде әдемі ойыншықтар көп,сендерге ұнады ма?Бұл жәй дүкеннен емес,ойыншықтары да ерекше.Ойыншықтармен ойнап олар жайлы тақпақ айтып бергенді жақсы көреді.

Шұғыла:Біз ерекше баламыз,

Айтқан тілді аламыз

Ойыншықтарды көргенде,

Қуана қарсы аламыз!

Сәлем,сәлем,

Сұңғат:Досым маған ойыешық

Машинасын сыйлады

Бірақ оның ішінде,

Саусағымда сыймайды.

Ерназ:Машина,машина келеді,

Бізге белгі береді

Бип-бип-бип.

Дүкенші:Тақпақтарың әдемі,ал енді жұмбақ жасырам.

Пеш түбінде құмған

Екі көзін жұмған (Мысық)

Мысық қандай жануар?

Гүлназ:Тікірейген екі құлағы бар.Жүні жұп-жұмсақ мамықтай,ет жейді сүт ішеді,тышқан аулайды.

Мысығым менің әдемі

Жүні үлп-үлп етеді.

Қызғалдақ:Аю әдемі,жүні жұп-жұмсақ,көзі қап-қара.Оның төрт аяғы,екі құлағы бар.

Аю отыр партада

Екі қолы қалтада

“А”дейді, “Б”дейді, “Р”-ға тілі келмейді,

Ұйықтап қапты партада,

Бұл недеген масқара.

Дидактикалық ойын:Орнында не жоқ?

Мақсаты:Есте сақтау,ойлау қабілетін жаттықтыру.Атын атап,тақпақ айту сиқырлы сөздік қорын молайту.

Ақзере:Мынау сиыр,үй жануары,жем,шөп,су ішеді.Біге сиыр сүт,ет береді.

Мө-мө-мө дейді.

Бұзауын іздейді.

Нұрәлі:Бұл қоян,құлағы ұзын,екеу,құйрығы қысқа.

Ұзын құлақ сұр қоян

Естіп қалып сыбдырды

Ойлы-қырлы жерлермен

Ытқып-ытқып жүгірді.

Дүкенші:Тиін көңілсіз отыр ол неге көңілсіз екен?Жаңғақ жегісі кеп отыр екен,ендеше сыйлық жасайық.

“Кеме” сызбасына                          Тиын—-Жаңғақ

Үстіне суреттер жапсыру Қоян—-Сәбіз

бір-біріне қосу:Аю—-Бал

 

Қиынды қағаздардан,аңдардың жақсы көретін тағамдарын құрастыру.Түсіне пішініне қарау.

Қортындылау:Бізге қонаққа кім келді?Дүкеншінің ойыншықтары сендерге ұнадыма?Қандай ойыншықтар ойнадық?

Дүкенші:Біздің ойыншықтарымыз қатты қуанып қалды.Аңдардың жақсы көретін тағамдарын қағаздан құрастырдыңдар.Рахмет сендерге балалар.Дүкенші балаларға сыйлықтарын таратып берді.