Алтын балық

Досджанова Балияш Тулегбердиевна

Бөлімі: Коммуникация

Ұйымдастырылған ашық оқу-қызметі: Сөйлеуді дамыту

Тақырыбы:Алтын балық.

Мақсаты:Қоршаған ортамен таныстыра отырып,балықтар туралы түсінік беру.Ертегіні тыңдау арқылы бірнеше бөліктен тұратын заттарды геометриялық пішіндерді құрастыру арқылы,ұсақ саусақ моторикасын дамыту.Балаларды қамқорлық жасауға тәрбиелеу.

Көрнекі құралдар:слайд,алтын балық суреті.

Сөздік жұмыс:балдыр,жүзу,алтын балық.

Блингвальды компонент:су-вода,алтын балық-золотая рыба.

Шаттық шеңбері.

Алақанды ашайық,

Күннің нұрын салайық.

Жүрек жылуын салайық.

Осы жақсы лебізлдерді бір-бірімізге сыйлайық.

-Балалар қазір жылдың қай мезгілі?
-Көктем мезгілі.

-Бүгін біз кіріктірілген,оқу қызметінде Алтын балық ертегісі туралы әңгімелейміз.

      Жұмбақ.

Суда өседі,өнеді,

Сыртқа шықса өледі.Бұл не?

-Балық.

-Балалар,сендер балық туралы қандай ертегілерді білесіңдер?

Дұрыс айтасыңдар,тілегімізді орындайтын Алтын балық ертегісінен үзінді көрейік.

-Балалар,қандай ертегі көрдіңдер?

-Алтын балық.

-Алтынбалық шалдың тілегін орындады ма?

-Ия.

-Ал балалар балықтардың қандай ерекшеліктерін,немен қоректенетінін білесіңдер ме?

-Өсімдіктермен,балдырмен құрттармен қоректенеді.

-Балалар,балықтар туралы тақпақтар білесіңдер ме?
1-2 бала тақпақ айтады.

Ғажайып сәт.

Топқа теңіз патшасы кіреді.

-Сәлеметсіңдерме,балалар?Мен теңіз патшасымын.Сендер менің байлығым туралы білесіңдер ме?

Сендер алтын балықты көргілерің келіп тұрған шығар?

Қанекей,сиқыр жасап көрейікші!

Алтын балық келеді.

-Балалар,балық сусыз өмір сүре алмайды.Алтын балығымызды теңіз патшасымен бірге теңізге жіберейік.

Ал,балалар теңіз патшасымен қоштасайық.

-Сау болыңыз!

Балаларға бірнеше бөліктерден тұратын геометриялық пішіндер арқылы алтын балықты құрастыру.

Сергіту сәті.

Тұп тұнық мөлдір суда,

Балық жүзіп жүр екен.

Біресе керіледі,біресе жиырылады.

Біресе құмға тығылады,біресе жүзеді.

Ойын; Балық аулау

Шарты:ыдыстағы балықтарды аулау және оның тазалығына қамқор болу.

Қорытынды:

-Балалар,бүгін біз не білдік?Не үйрендік?

-Қандай балықтың суретін бейнеледік?
-Үнемі балықтарға қамқорлық жасап жүруіміз керек.

Балаларды мақтап,мадақтау.