Тақырыбы: «Ауаның қасиеттері»
Мақсаты:

• Балаларды ауаның қасиеттерімен таныстыру;
• Тәжірибе арқылы ауаны, біздің айналамыздағы қоршап тұрғанына

көздерін жеткізу.

• Ойлау белсенділіктерін, байқағыштықтарын арттыру.
• Қоршаған ортаны таза ұстауға тәрбиелеу.
  Әдіс-тәсілдері: әңгімелеу, түсіндіру,сұрақ-жауап, тәжірибе жасау.
  Сөздік жұмыс: поролон, түтікшелер.
  Керекті заттар: тақырыпқа сай суреттер, су құйылған ыдыс пен түтікшелер, поролон, ауа толтырылған шар.
  Алдын ала жұмыс: Видео ролик «Мен табиғат аясындамын»
  Билингвальды компонент:ауа-воздух, самал жел-легкий ветерок.
  Тәрбиеші: – Балалар, бүгін тобымызға таңертең пошташы сәлемдеме алып келіпті. Сәлемдемені біздің досымыз -Самал жер жіберіпті. Не бар екенін көрейік.
  «Шардың ішінде не жасырынғанын табыңдар. Оның ішінде не болуы мүмкін?»
  Балалар:-Балалар үрленген шарды айналдырып қарай бастайды. Олар өз пікірлерін айтады
  Тәрбиеші: шардың байланған жібін шешіп, ішіндегі ауаны жайлап шығара бастайды.
  -Меніңше шардың ішінде бір нәрсе бар сияқты. Өйткені оның жібін шешкенде,дыбыс естілгендей болды.
  Балалар: Шарды босатқандағы ысылдаған дыбысты тыңдайды.
  -Шардың ішін босатқанда, одан ауа шықты.
  Тәрбиеші: Ауа тағы қай жерлерде жасырынып жатуы мүмкін ? Біз де өзімізді ғалым деп сезініп, тәжірибе жасап көрейік.
  -Біз мұрнымызбен не істейміз?
  -Біз немен демаламыз?
  Балалар: тәжірибе жасауға дайындалады.
  -Біз мұрнымызбен демаламыз.
  -Біз ауамен тыныс аламыз.
  -Яғни мұрын арқылы ауа біздің өкпемізге өтеді. Тынысты  шығарғанда ауа  қайтадан  ауыз  немесе  мұрын  арқылы  сыртқа  шығарылады.

– Кәне бәріміз тексеріп көрейікші.
Балалар: мұрынмен тыныс алып, тәжірибе жасайды.

I тәжірибе
-Енді түтікті суы бар стаканға салып үрлейік . Стақан ішіндегі суда не пайда болды?
Балалар:түтікше арқылы стақандағы суға ауа үрлейді. Көпіршіктердің пайда болғанын байқайды.
-Алдарындағы желпеуіш қағазды өзімізге қарай желпітіп көрейікші. Не байқадық?
Балалар:Желпеуіш қағазды желпіп, желдің ауаны байқайды.
-Шарды үріп ыдыстағы суға салып көрейікші? Шар неге суға батпайды?
Балалар:үрілген шарды ыдыстағы суға салады. Шардың ішінде ауа болғандықтан суға батпайды.

II тәжірибе
-Мына паралонның кішкене бөлігін суға салып көрейік не байқадық?
Балалар:паралон суға батпағанын байқадық. Себебі ол тығыз  емес, оның бойында ауа бар .
Келесі тәжірибеміз май шаммен жасап көреміз. Май шамды ашылған есікке қарай апару. Есіктен соққан желді көреміз.

Қорытынды:
Балалар ауаны не ластайды деп ойлайсыңдар?
Заводтардан шыққан түтін, көліктерден шыққан түтіні т.б.
-Дұрыс айтасыңдар, қаламыздағы ірі зауыттан шыққан түтінмен,көліктен бөлінген түтін ауаға тарап содан ауа ластанады.