«Денсаулық еліне саяхат»

Ибраева Жанар Тулеуовна

«Денсаулық еліне саяхат»

Мақсаты:                                                                                                                     мектепке дейінгі ортаңғы топ балаларының салауатты өмір салтын сақтауға дағдыландыру.

Білімділік: балалардың тазалыққа ,денсаулыққа деген қызығушылығын арттыру, көңіл-күйлерін көтеру үшін  жағдай жасау.

Дамытушылық: дұрыс тамақтану ережелерін күнделіті өмірінде білімдерін жинақтау, дененің физикалық дамуын жетілдіру.

Тәрбиелік: мәдени гигиеналық дағдыларының адамның денсаулығына ықпалын тигізу; денсаулықты сақтау ережелерін бекіту.

Сабақ барысы:

Балалар залға кіреді.

Тәрбиеші: Балалар, қараңдаршы бүгін бізге көп қонақтар келіпті. Қане кісілермен амандасайықшы: «Сәлеметсіздер ме! Здравствуйте! Good morning!» Балалар біз жана тек амандасып қана қоймай, бір-бірімізге және барлық қонақтарға денсаулық пен жақсы көңіл-күй тіледік.

Ал енді біздің көңіл-күйіміз қандай екенін білдіру үшін, мына сиқырлы гүліміз көмектеседі. Балалар қараңдаршы ол қандай гүл(балалар сипаттайды). Мен сендерге бүгінгі көңіл-күйлеріне қарай гүлдің жапырағын таңдауды ұсынамын. Балалар айтыңдаршы, адамның көңіл күйі қай уақытта нашар болады(балалар жауабы).

-Қай уақытта жақсы болады? (балалар жауабы)

-Ал сендер қандай түсті жапырақтар таңдадыңдар?

-Егер олар ашық түсті болса, бүгінгі сендердің көңіл-күйлерін қандай екенін білеміз.

-Ал енді көңіл-күйлерін өте жақсы болса, сиқырлы гүл бізді «денсаулық» еліне саяхатқа шақырады. Сендер ол жаққа барғыларын келеді ме?

-Онда барлығымыз сиқырлы сөздерді қайталаймыз:

Жапырақтар ұшындар

Барлық жерді шарландар

Ұшып-ұшып қалықтап

Қайта қоншы шарықтап

Түспей тұрып сен жерге

Біздің айтқанымызды істе:

-Бізді денсаулық қалашығына апаруыңды қалаймыз.(сиқырлы әуен орындалады, интерактивті тақтада «Денсаулық» қалашығының суреті)

-Міне, «Денсаулық» қалашығына келдік. Барлық қалада сияқты, мұндада көптеген көшелер бар. Бізді ұзақ жол күтіп тұр, оңай емес. Бізге бірінші көшеге түсу үшін, сиқырлы жолмен өту керек.

-Ал құрметті достар, дайынбыз ба баруға?Кеттік(Көңілді ән орындалады)

1.Көше. Бұл жерде үйдің модулі «Пайдалы тағамдар» суреті.

-Балалар үйден ненің суретін көріп тұрсындар? Қалай ойлайсындар бұл көше қалай аталуы мүмкін?

-Поднос тұрған үстелге таянайықшы.

-Қараңдаршы, подноста қандай тағамдар бар екен(балалар айта бастайды).

-Балалар мына жерде денсаулыққа пайдалы тағамдар және денсаулыққа зияның тигізетін тағамдар бар.

-Мен сендерге жасыл себетке пайдалы, ал қызыл себетке зиянды тағамдарды салуды ұсынамын.

-Қане тексерейікші.Қызыл себетке қандай тағамдарды салдындар?(балалар жауабы) Ал олардың денсаулығымызға қандай зияны бар?

-Ал жасыл себетке қандай тағамдарды салдындар?Ал олардың денсаулығымызға тигізетін пайдасы қандай? (балалар жауабы)

-Балалар біз бұл көшеде қандай ереже меңгердік?Деніміз сау болу үшін не істеу керек?

Ереже: Деніміз сау болу үшін дұрыс тамақтану қажет.

Тәрбиеші:Енді құрметті саяхатшыларым, келесі көшеге баруға дайындалу керек. Оған жету үшін кедергілер арасымен жүгіріп өтуіміз керек(көңілді әуен орындалады)

2.Көше.Үйдің модулі «Спортпен шұғылданған балалар» суреті.

-Үйде ненің суреті бейнеленген ?(балалар жауабы)

-Бұл көше қалай аталуы мүмкін? Балалар орындыққа отырады.(интерактивті тақта алдында)

-Қараңдаршы тақтада әртүрлі спорт түрлері бейнеленген. Мен сендерге қайсысы қысқы спорт түріне, қайсысы жазғы спорт түріне қатысты екенін анықтауды ұсынамын.

-Енді бұл көшеде қандай ережені меңгердік? Деніміз сау болу үшін не істеу керек екен?

Ереже: Деніміз сау болу үшін спортпен шұғылдану керек:

-Құрметті достар, енді мен сіздерді көңілді жаттығуға шақырамын.

Тәрбиеші:Ой қалай тамаша қуанып, демалып қалдық. Қане балалар сендерде жаттығудан күштерін көбейді ме?

-Онда бізге келесі көшеге баруға жиналу керек.Ал ол жаққа жету үшін, бір төмпешіктен екінші төмпешікке секіріп өту керек(көңілді әуен орындалады).

3.Көше. Үйдің модулі «Мойдодыр» суреті бейнеленген.

-Балалар мұнда ненің суреті? Мойдодыр қандай балаларды жақсы көреді екен? (балалар жауабы) Қалай ойлайсындар бұл көше қалай аталады?

-Балалар қараңдаршы, Мойдодыр мұнда бізге сиқырлы сандықшасын тастап кетіпті.Ал оның ішінде не бар екенін жұмбақтың шешуін тапқан кезде білеміз:

1. Сумен кірді ашады,                                                                                                             Өзі судан қашады.(сабын-мыло)  

2. Жуынып болғаныңда,                                                                                                     Жүреді қолдарыңда. (орамал-полотенца)

3. Түйістіреді көзіңді-көзіңе,                                                                            Жолықтырады өзіңді-өзіне. (айна-зеркало)

4. Қалтамда жатыр тісі бар,                                                                                      Тістемей-ақ, істер ісі бар.(тарақ-расческа)

-Бұл құралдар бір сөзбен қалай аталады? Олар не үшін қажет? (балалар жауабы)

-Бұл көшеде біз қандай ережені меңгердік? Деніміз сау болу үшін не істеу керек?

Ереже: Деніміз сау болу үшін жеке гигиеналық ережелерді сақтау қажет.

-Ал енді құрметті саяхатшыларым, бізге балабақшаға қайту керек. Шеңбер құрып тұрып, ьарлығымыз сиқырлы сөздерді айтамыз:

«Бір, екі, үш,

сиқырлы гүл

біздің қайта оралуымызға берші күш»

Көзімізді жұмамыз(сиқырлы әуен орындалады). Көзімізді ашамыз.

-Балалар біз бүгін қай жерге бардық?

-Сендерге саяхат ұнады ма?

-Қане есімізге түсірейікші, деніміз сау болу үшін не істеуіміз қажет? Ол үшін бізге суреттер көмектеседі.

 

 

-Қараңдаршы, бізде ғажайып ағаш бар. Осы ағашқа  деніміз сау болу үшін, не керек екені туралы бұтақтарға суреттерін іліп, қонақтарға айтып берейікші.

-Енді тағы қолымызды ұстап, бір-бірімізге және қонақтарға денсаулық тілейміз.