Геометриялық пішіндер мен денелер.

Ұйымдастырылған оқу қызметінің технологиялық картасы

Тобы: ересек топ

Білім беру саласы: Таным,шығармашылық

Ұйымдастырылған оқу қызметі: Қарапайым математикалық ұғымдарды қалыптастыру.

Тақырыбы:Геометриялық пішіндер мен денелер.

Мақсаты: Геометриялық фигуралар туралы ұғымдарын кеңейту.Айналадағы қоршаған ортада оларға ұқсас заттарды табу,жасалу жолдары мен құрылысына мән беру,айырмашылықтары мен ұқсастықтарын ажырату.

Әдіс-тәсілдері: әңгімелесу,сұрақ-жауап,сергіту сәті,дидактикалық ойындар,жұмбақ.

Іс-әрекет бөлімі

Шаттық шеңбері

Аспанымыз ашық болсын,

Күн күлімдесін,

Жұлдыздар жарқырасын.

Еліміз бай болсын,

Ата-анамыз аман болсын.

Достарымыз көп болсын,

Деніміз сау болсын.

Әрқашан күн сөнбесін,

Тыныштық болсын,

Бейбітшілік болсын,

Мейірімділік болсын,

Жылылық болсын.

Балалар шеңберге тұрып бір-біріне жылы тілектер айтады.

Ұйымдастырушылық- ізденушілік кезең

Ерте,ерте ертеде геометрия патшалығын Планиметрия қаласында фигуралар көшесінде сиқырлы геометриялық фигуралар,яғни шаршы,шеңбер,үшбұрыш,тікбұрыш тұрыпты.Күндердің күнінде олардың арасында дау болыпты «Кім күшті?» деп бір-бірімендауласады.

Шаршы айтады:- Мен ең күштімін,менің барлық қабырғаларым тең және мен барлық жерде ең мықтымын.

Оның сөзін шеңбер бұзып: Бекеерден бекер сөйлеме,кімге керек сенің тік бұрыштарын?

Міне, мен ешқандай бұрышсызбын,дөңгелекпін,көңілдімін.

Менде не басым,не аяғым жоқ.

Сөзге үшбұрыш араласады: дауласпаңдар,барлығы біледі үшбұрыш күшті екенін.Біз орындарымызды ауыстырып әр түрлі бұрыштармен бірге бола аламыз.Дау ұрыс қырылысқа айналды.Барлығы бір-бірін тыңдамай у-шуға айналды.Тек қана тікбұрыш оларға қарап үндемей тұрды.Не болып жатқанын т үсінбеген тікбұрыш біраз тұрып сөзге кірісті.

-Неге ұрысып жанжалдасасыңдар? Сендер барлықтарын жақсы фигураларсыңдар және адамдарға қажетсіңдер.Адамдар біздерді құрылыста пайдаланады.Әрбір үйде шаршы,шеңбер,үшбұрыш,тікбұрыш тәрізді заттар бар.Біз туралы адамдар зерттейді,балаларда бақшада оқиды. Олар бізсіз еш нәрсе істей алмайды,біз оларға керекпіз.Адамдар бізді жақсы көреді.Фигуралар үндемей тұрып өздерінің қателескендерін түсінді.Өмірде кімнің күшті немесе мықты екені маңызды емес,ал маңыздысы сен біреуге керексің,біреулер сенің көмегіңе мұқтаж депті тікбұрыш.Ал, балалар,біздің көңілді фигуралар қызықты деп тапсырмалар беріп жіберіпті.

1— тапсырма

Мынау – үшбұрыш

-неше бұрышы бар?

-неше қабырғасы бар?

Мынау – шаршы

-неше бұрышы бар?

-неше қабырғасы бар?

Мынау – тікбұрыш

-неше бұрышы бар?

-неше қабырғасы бар?

Мынау – шеңбер

2-тапсырма

«Ұқсас бейнені тап» ойыны

Геометриялық фигуралардан тұратын заттың суреттері мен соған сәйкес фигуралардың суреті салынған.Фигураларға ұқсас заттың суретін сызықпен қосуы керек.

3-тапсырма

«Танграмм»

Балаларға үлгі бойынша құрастыруға фигуралар беріледі.Алдымен,бейнеленген заттардың әр бөлшектері қандай фигуралардан тұратын айтып кетейік.

4-тапсырма

1-ден 10-ға дейін тура және кері санау.

Дидактикалық ойыны: «Қандай сан жоқ?»

Сергіту сәті.

Бойды сергек тік ұста,

Емін –еркін тыныста.

Деміңді ішке тез алда,

Оң қолыңды соз алға.

Қол ұшына қара да,

Үшбұрыш сыз ауада.

Сол қол бос тұрмасын,

Шеңбер жасап тынбасын.

Жұмбақ жасыру

«Мысық»

Кеудесі –тікбұрыш,

Басы- дөңгелек,

Екі құлағы- үшбұрыш,

Құйрығы – төртбұрыш,

Екі көзі – дөңгелек,

Төрт аяғы – тікбұрыш,

Ауызы – үшбұрыш,

Тікіреніп құлағы,

Менен бұрын тұрады.

Бойын жазып,керіліп,

Беті-қолын жуады. Бұл не?

 

Күтілетін нәтиже

Нені білу керек: геометриялық пішіндерді біледі.

Нені игереді: геометриялық пішіндерді ажыратады

Нені біледі: жұмбақтардың шешуін,логикалық тапсырмаларды.