«Астана-туған елдің жүрегі!»

Тақырыбы: «Астана-туған елдің жүрегі!»

Мақсаты: Елордамыз Астана туралы балалардың танымдық  оқу қызметін қалыптастыру. Балалардың мәнерлеп оқу дағдыларын, туған елге сүйіспеншіліктерін арттыру. Отансүйгіштікке тәрбиелей отырып, өз Отанына қызмет етуге, мақтан етіп, қадір тұтуға патриоттық сезім қалыптастыру.

Көрнекілігі:

Рәміздер суреттері; «Астана қаласына -20жыл!»сурет көрмесі.

Әдісі: Әңгіме, Сұрақ-жауап, Мәнерлеп оқу.

Әнұран;          

Жүргізуші: Сәлеметсіздерме балабақша бүлдіршіндері және  ұжымдастар, ата-аналар.Көшелері құлпырған сала-сала
Алаңдары кең құшақ сайран дала.
Көргендері арлы арудан айнымайтын
Ақ көңілді кең пейіл қайран қала – дегендей бүгінгі «Ақшағала» және «Ақсұңқар» тобының мәнерлеп оқу сайысына хош келдіңіздер.

Бүгінгі сайысымыздың мақсаты: Елордамыз Астана туралы балалардың танымдық  оқу қызметін қалыптастыру. Балалардың мәнерлеп оқу дағдыларын, туған елге сүйіспеншіліктерін арттыру.

Сайыс 3бөлімнен тұрады.

Алғашқы турда бүлдіршіндер ата-аналарымен, тәрбиешілерімен бірігіп дайындаған өздерінің өлең шумақтарын мәнерлеп оқиды және екінші бөлімде өзім дайындаған мақал-мәтелдерді жалғастыру, толықтыру керек және соңғы кезең сұрақтарға жауап беру;

Мен сендерге бүгінгі сайыстың  әділ қазыларымен таныстырып өтейін;

1.Балабақша директорының у. м.а.Капуова Гүлшат.

2.Балабақшамыздың психологы Төребаева  Гүлзада .

3.Балабақшамыздың кезекші топ тәрбиешісі Реджепова Сұлу.

Ендеше  бүгінгі мәнерлеп оқу сайысының қатысушыларымен таныс болыңыздар:

1. «Ақшағала» тобы: Шынтасқызы Мағрипа
2. «Ақсұңқар» тобы: Майлан Медина
3. «Ақшағала» тобы: Қошқарбай Айзере
4. «Ақсұңқар» тобы:Қуан Жәнібек
5. «Ақшағала» тобы: Арыстанбек Айзат
6. «Ақсұңқар» тобы: Таджимуратова Айдина

Жүргізуші: Ән көңілмен құйылды
Қайғы бұлты шегілді
Балалармен дүние
Көрікті де көңілді Ал олай болса Аққу тобының балаларының тақпақтарын тыңдайық.

Айдина:
 Жайнай өсті, Астана

Бәйтерегі көк тіреп

Болды Астана бас қала,

Іске асты көп тілек.

Медина:

Әсем үйлер самсаған,

Көшелері көсілген

Тұрды қала аңсаған,

Сарарқаның төсінен

Жәнібек:

Ағады ерке Есілі,

Астанадан нәр алып.

Кеткен қала есімі,

Жер шарына таралып.

Жүргізуші:Жарайсыңдар балалар өте тамаша!

Ал енді Ақшағала тобының орындауында

Би;Балапан

Жүргізуші:Жарайсыңдар балалар орындарыңа жайғаса қойыңдар!

Олай болса кезекті «Ақшағала »тобының тақпақтарына берейік.

Мағрипа:

Отан мен менің ата-анам

Отан досым баырым

Отан өлкем Астанам

Жаса жаңа Астанам

Айзере:

Өркен жая бастаған

Болашақтың есігін

Өз қолыңмен аш маған Нұрия

Сарарқаның төрінде

Айзат:

Ұлы көшті бастаған

Мақтанышым бас қалам

Ару қалам Астанам. Мадияр

Сұлу қалам -жас қалам

Жүргізуші: Жарайсыңдар балалар, өте жақсы дайындалып келіпсіңдер, өнерлерің өрге жүзсін, енді сайысымыздың келесі бөліміне өтеміз. Бұл бөлім «Мақалды жалғастыр» деп аталады. Аты айтып тұрғандай сайыс шарты: мен  мақал-мәтелдердің бірінші жолын айтамын сендер артын жалғастырасындар.

1. Отан-отбасынан басталады.
2. Отан оттан да ыстық.
3. Туған жердей жер болмас,

Туған елдей ел болмас.

4. Отансыз адам —
   Ормансыз бұлбұл.
5. Туған жер – алтын бесік.
6. Отан үшін отқа түс – күймейсің

Жүргізуші: Жарайсыңдар! Туған жер, отан туралы  Мақал – мәтелдерді де жатқа біледі екенсіңдер!

Нұр төгілген бас қалам

Шуақ шашып бәріне

Өсе берсін Арайлы

Бой көтерген Астана!!!, -демекші тағыда «Ақсұңқар» тобының балаларының орындауында ән тыңдап тынығып алайық.

Ән;«Менің Балабақшам»

Жүргізуші:Өте тамаша ән салады екенсіңдер жарайсыңдар!

Бейбітшілік әніміз
Бауырласпыз бәріміз
Қазақстан даласында
Жарасады сәніміз – дей келе соңғы бөлімге өтеміз. Бұл бөлімде мен сендерге сұрақ қоямын. Қол көтеріп, дұрыс жауап берген балаға жұлдызша беріп отырамын. Соңында әр балада неше жұлдызша болса сонша ұпай береміз.

1. Біздің мемлекетіміз қалай аталады?
2. Біздің астанамыз қай қала?
3. Елбасымыздың аты кім?
4. Мемлекеттің рәміздерді кім біледі?
5. Біздің ұлтымыз қандай?
6. Астанаға биыл қанша жыл толды?

Жүргізуші:Жарайсыңдар балалар, енді қазылар алқасының  шешімі дайын болғанша барлық  бүлдіршіндерді биге шақырамыз.

Би: флешмоб

Басына «Бәйтеректің» құт дарыған
Шапағат шам шырағы тарап жатыр,
Алыстан шырай шашқан оттарынан
Көк ту ұстап ұлы ғасыр көшінде,
Құйылғандай мұхит суы Есілге 
Қазақ елін кең әлемге танытып,
Астана тұр Сарыарқаның төсінде.

Ақшағала және Ақсұңқар тобының балаларының қатысуындағы өткен мәнерлеп оқу сайысы өз мәресіне жетті. Бүлдіршіндерді жеңістерімен құттықтаймыз. .Жарайсыңдар балалар өркендерің өссін!Астанамыз гүлденіп, көркейе берсін! Келген әрбір қонақтарды шаттыққа бөлейтін жерлері көп болсын деп Астана күніне арналған мәнерлеп оқу сайысымызды аяқтаймыз.