Қасымбекова Аяулы Алтынсаринқызы

Мақсаты:

• Білімділік: Геометриялық  пішіндер,  айналадағы  заттардың көлемін, формасын тікелей  бақылата  отырып  меңгеру,  логикалық  ойындар.
• Дамытушылық: өздігімен  жұмыс  істеуге  машықтандыру,  ойнау  қабілетін,  байқампаздығын,  сабаққа  қызушылығын  дамыту,  өздігінен  талдау  жасауға  үйрету.

3) Тәрбиелік : Білім  мен  байланысын  түсіндіру,  ұжыммен  жұмыс істеуге  тәрбиелеу,  денсаулық  шараларын  дамыту.

     Сабақтың  түрі:  « Саяхат ».

     Әдіс — тәсілдері:  сұрақ — жауап,  көрініс,  ертегі  кейіпкерлерін  жандандыру.

    Қажетті – құрал жабдықтар:  Магнитті  тақта,  геометриялық  пішіндер.

     Сабақтың  барысы:

• Ұйымдастыру.

                                      Армысыз,  мейірімді  —  Аспан Ата!

                                      Армысыз,  қайырымды  —  Жер Ана!

                                      Армысыз,  шұғылалы – Нұрлы  Күн!

                                     Армысыз,  балабақша – дос — жаран!

                                     Армысыз,  құрметті  апайлар!

(балаларды  орнына  отырғызу).

     Тәрбиеші:  Балалар,  бүгін  бізде  математика  сабағы.  Өткен жолы  геометриялық  пішіндермен  таныстық.

Бүгін  қайталау  сабағы.  Біз  бүгін  саяхатқа  шығамыз .  Бізге  қонаққа  бауырсақ  келіп  қалыпты.

(бауырсақ  келеді,  музыкалық  әуен  ойналады)

      Бауырсақтың  сөзі:  Менің  атым  бауырсақ

                                           Мені  пышақпен  қырып  алды.

                                           Қанатпен  сыпырып  алды.

                                           Қаймаққа  иледі,  майға  пісірді.

                                           Мен  атадан  кеттім.

                                           Мен  әжеден  кеттім.

     Тәрбиеші:     Бауырсақ  қай  ертегінің  кейіпкері?

      Балалар:     Бауырсақ   ертегісінің  кейіпкері.

      Тәрбиеші:    Бауырсақтың   түсі  қандай?

• Сары.

Тәрбиеші:    Бауырсақтың  пішіні  қандай?

• Домалақ, шеңбер.
• Балалар, біз  бауырсақты  атасы  мен  әжесіне  апаруға  көмектесейік.  Оған  баратын  жолды  көрсетейік.  Енді  орманға  серуенге  барайық

(әуен  ойналады).

Балалар  бір  шыршаның  түбінде  жылап  тұрған  қоянды  көреді.

     Тәрбиеші:  Сәлеметсіз  бе,  қоян.  Сен  неге  жылап  тұрсың?

      Қоян:  Менің  тұратын  үйім  жоқ.  Соны  маған  табуға  көмектесіңдерші.

     Тәрбиеші:  Біз  саған  көмектесейік.  Мынау  геометриялық  пішіндер.

Балалар  мынау  қандаай  пішін,  сендер  білесіңдер  ме?

Балалар:    Төртбұрыш  (оның  төртбұрышы  бар).  Мынау  үшбұрыш   (оның  үшбұрышы  бар). Мынау  шеңбер  (ол  домалақ  болады).

Балалар  қоянның  үйін  құрастыруға  көмектеседі.

     Қоян:  Балалар  сендерге  көп – көп  рахмет.  Менің  енді  баспанам  болатын  болды.  Рахмет  мен  енді  өз  жөнімен  кетейін.

• Орманда келе  жатқанда  алдынан  қасқыр  кездеседі.

     Қасқырдың  сөзі:  Балалар    менің  қарыным  ашып  тұр.  Мен  бауырсақты  жеймін  Балалар:   Жоқ,  сен  бауырсақты  жемеші,  біз  бауырсақты  атасы  мен  апасына  апаруға  көмектесейік  деп  келе  жатырмыз.

        Қасқыр:  Онда  сендер,  мені  сиқырлы  көпірден  өткізуге көмектесіңдер.  «Не көп,  не  аз»  деген  тапсырмамды  орындаңдар.

Суретте   жапырақ,  шарлар,  күн  ай  және  түлкінің  суреті  салынған.

Балалар  тапсырманы  орындайды.

Қасқыр   Рахмет  балалар,  мен  сендерден  көп  нәрсе  үйрендім

• Мені сиқырлы  көпірден  өткізуге  көмектесіңдер.
• Мен  енді  өз  жолымен  кете  берейін.

     Сергіту  сәті:        Айда  біреу  аспанда,

                          Күнде  біреу  аспанда.

                          Тұратұғын  елжіреп

                          Бәрімізде  бір  жүрек.

-Балалар  саяхатты  жалғастырды.  Орманда  геометриялық пішіндерден  құралған  екі  «Денсаулық  жолдарын»  байқайды.

     Тапсырма:  Түс  пен  пішінді  ажырата  білу  (қызыл  шеңберге  секір,  жасыл  төртбұрышқа  аяқ  қой,  көк  үшбұрышты  атта.  Аяқ  табанының  массажы).

      Бауырсақ:   Келе  жатып  түлкіні  кездестіреді.

      Түлкі:  Бауырсақ  мен  сені  жеймін.

     Бауырсақ:   Жемеші,  мені .  Мен  балалардан   көп  нәрсені   үйреніп  келе  жатырмын.  Сен  бізді  бір  сынап  көрші.

     Түлкі:  Сендер  менің  тапсырмаларымды  жақсы  орындадыңдар.  Мен  сендерге  ризамын. Бауырсақты  жемеймін.

     Балалар:  (Біз  бауырсақпен  қоштасамыз)

Бауырсақ,  мына  жолмен  тура  жүрсең  атаң  мен  әжеңе  барасың.

      Бауырсақ:  Мен  сендерден  көп  нәрселер  үйрендім  Сендерге  рахмет.  Атам  мен  әжем  тосып  отырған  шығар.  Үйіме  қайтайын.  Қош  сау  болыңыздар.

      Сабақты  бекіту:

-Балалар  бүгін  біз  сабақта  немен  таныстық?  Ең  бірінші  қоянға  көмектестік,

Онда  біз  геометриялық    пішіндерден    үй  жасадық.

Екінші   қасқырға    көмектестік.  «Не  көп,  не  аз »  деген  ұғыммен  таныстық.

Денсаулық  жолмен  жүрдік.  Түлкінің  тапсырмасында  логикалық  тапсырманы  орындадық.

Рефлексия  (балалардың  сабақтан  қанағаттандыруын  біліп  тану,  алған  әсерін  түс  арқылы  білдіру)

Музыкалық  әуенмен  тақтадағы  сары  күн  мен  қара  көк  бұлттардан  балалардың  көңіл  күйін  білдіретінін  таңдатып  қонақтарға  сыйлықтар  беру.

Тәрбиеші:   Барлықтарың  ашық  түсті,  сары  күнді  таңдадық.  Өз  көңіл – күйлерінен  алған  сабақтың  әсерін  байқаттыңдар.  Біздің    сабақ  өте  қызықты,  әсерлі  болды.  Олай  болса  біз  бүгінгі  сабағымызды  жақсы  көңіл  күймен  аяқтаймыз.