ЖАСТАР – ЕЛ ҚОРҒАНЫ

Жамбыл гидромелиоративтік-құрылыс институтының базасында әскери дайындық кафедрасы КСРО Қорғаныс министрінің 1963 жылдың 23 тамызындағы №0227 бұйрығымен құрылған. Кафедра Қарулы Күштердің запастағы офицерлерін дайындау мақсатында студенттерді келесі мамандықтар бойынша оқыта бастады. Ал, бұл мамандықтар 1964 жылы қысқартылып, кафедра запастағы офицерлерді «жол-инженерлік, көпір құрылысы взводының командирі, әскери-жол және көпір-құрылыс жұмысындағы механизация құралдар бөлімшелерін қолдану» мамандықтары бойынша дайындауға кірісті. 1980 жылы «Жол комендантының бөлімшелерді, бөлімдер мен құрамаларды қолдану» деген қосымша тағы бір мамандық ашылды.
Әскер қатарында Отан алдындағы борышын өтеу — әрбір ер-азаматтың міндеті. Ер жігіт әскерде жүріп қару-жарақты қолдануға, әскери әдіс-тәсілдерді үйреніп қана қоймай, Отанын шексіз сүюге тәрбиеленеді.