Мейірімділік – асыл қасиет

Болатбаева Гульназ Сұлтанмахметқызы

Оқу қызметінің мақсаты: балалардың «мейірімділік», «қайырымдылық» құндылықтары туралы түсініктерін кеңейту.

Дамытушылығы: балалардың психологиялық ой-өрісін, ойлау қабілеттерін дамыту, өз ойларын еркін жеткізу, білуге үйрету.

Тәрбиелігі: мейірімділікке, қайырымдылыққа, кішіпейілділікке тәрбиелеу.

1.Психологиялық дайындық:

Қуанамын мен де,

Қуанасың сен де,

Қуанайық достарым,

Арайлап атқан күнге де.

2.Ұйымдастыру кезеңі:

-Балалар қазір жылдың қай мезгілі?

-Бүгін аптаның қай күні?

-Сендер кімді жақсы көресіңдер?

-Не үшін аналарыңды жақсы көресіңдер?

3.Көрініс

Тәрбиеші: — Бүгін біз сендермен «Сары тауықтың балапандары» тақырыбында әңгіме оқимыз. Көрініс қоя отырып тыңдайық.

Күздің бір күні сары тауық балапандарын ертіп, ауылдан ұзап кеткен. Аяқ астынан жаңбыр құйып кетті. Суық жаңбырдың астында қалған сары тауық балапандарын қанша асықса да мекеніне жеткізе алатын емес. Өйткені балапандарының жылы жүні әлі шықпаған балғын жас еді. Сары тауық қатты састы. Шөжелерін қос қанатының астына алып бауырына басты. Бір балапаны сыймай сыртта қалды. Ана айла жасап, балапандарын кезектестіріп бір-бірден тысты ұстап, тона бастағанда бауырына алып отырды. Кезек ең кенжесіне келгенде ана оны сыртқа шығармады. Оны неге шығармайсыз?-деп сұрады бір ақ балапан. Ол тым жас.

-Жас болса қайтеді? Кезегі келгенде ол да шықсын.

Сырқаттанып қалады. Кішімізге өзіміз қамқоршы болуымыз керек емес пе№ Кәне, мұның орнына кім барады?-деп сұрады анасы.

-Мен деді тұңғышы

-Мен барайын!- деді оған тетелесі

-Кезекті маған беріңіз!-деді оған кішісі

-Мен қалам ба сонда?-деді алғашқы қарсы білдірген ақ балапан.

-Қатесін түсінген сенің барғаның жөн!-деді сары тауық балапанды тысқа ысырып.

-Сары тауық су өтіп қатты жаурады. Бірақ балапандарын тоңдырған жоқ. Балаға деген ыстық махаббаты мен жылытып сақтап қалды. Күн ашылып, ана жүрегіндей жадырады.

-Балалар қазір тапсырма орындайық.

Сары тауық балапандарына қандай жақсы қасиеттер үйретті?

Жағымды                                        Жағымсыз

  1. Ойын ойнаймыз.

Ойынның аты «болады, болмайды» деп аталады.

Болатын нәрсе айтқанда үш рет шапалақтайсыңдар келістік пе? Ал бастайық!

-мейірімді болуға

-кешірімді болуға

-қатыгез болуға

-тәртіпті болуға

-әдепті болуға

-ұрысқақ болуға

-сыпайы болуға

-бұзық болуға

-мақтаншақ болуға

 

5.Ақылды ұяшықтар

1.Менің анам мейірімді

2.Менің әкем қайырымды

3.Сәлемдесу балалардың

4.Үлкендерді сыйлау кішілердің міндеті

5.Әдепті бала сыпайы болады

6.Рахмет айту жақсылықты бағалау

7.Көмектессең сен жақсысың

8.Ақылды менің досым

6.Мейірімділік ағашы

-Балалар, сендер өздеріңді мейірімді баламын деп санайсыңдар ма? Ендеше бәріміз бірге мейірімділік ағашын өсірейік, ол үшін сендер өздеріңді не үшін мейірімді санайтындарыңды айтып, мейірімділік ағашына жемістерді ілеміз.

-Мен тіл алғышпын

-Мен ақылдымын

-Мен адалмын

-Мен бауырмалмын

-Мен көмектесіп жүремін

-Мен Ешкімге тиіспеймін

-Мен ешкімді ренжітпеймін

-Мен отбасымды жақсы көремін

  1. Сабақты қорытындылау

-Балалар, бүгін біз сабақта адам бойындағы асыл қасиет мейірімділік туралы білдік. Осы сабақта өздеріңе не алдыңдар, не үйрендіңдер?

Қызғаншақ болуға болмайтынын үйрендім.

Кішкентайларға қамқор болу керек екенін.

Ешкімді ренжітпеу керек.

Мейірімді болу керек.

8.Бағалау

-Балалар, сендер сабаққа жақсы қатыстыңдар, сондықтан мен сендерге алғысымды айтып, «мейірімділік гүлін» сыйлағым келіп тұр.

 

 

Вам может также понравиться...

Добавить комментарий

Ваш адрес email не будет опубликован.